KAMATI ZA B.M.U WILAYANI PANGANI ZAING’ARISHA PANGANI KITAIFA.

Pangani FM

Katibu mkuu wizara ya mifugo na uvuvi nchini Tanzania leo Novemba 16 2020  amefanya ziara ya siku moja wilayani pangani mkoani tanga na kukagua miradi na shughuli mbali mbali  za  uvuvi zinazoendelea wilayani humo .

Akiwa ziarani wilayani pangani katibu mkuu wizara ya mifugo na uvuvi Dk Rashidi Tamatamah amekagua  ujenzi wa ofisi  ya BMU  katika kijiji cha kipumbwi unaotekelezwa kupitia mradi wa swiofish pamoja na soko la samaki lilipo katika kijiji cha pangani mashariki

Katibu Mkuu Wizara ya Mifugo na Uvuvi anayeshughulikia Uvuvi (Katikati) Dkt. Rashid Tamatamah akiangalia mchoro wa ramani wa majengo katika kijiji cha Kipumbwi Wilayani Pangani

Akizungumza na wananchi pamoja na viongozi  wa BMU Dk. Tamatamah amesema kuwa dhumuni kubwa la kujenga ofisi za BMU ni kutokana na mchango mkubwa wa kamati hizo katika kusimamia rasilimali za uvuvi sanjari na kukusanya mapato

“BMU tumekuwa tukifanya nazo kazi kwa karibu sana na tangu tulipoanza kuwashirikisha katika ulinzi wa rasilimali za uvuvi matokeo yamekuwa makubwa sana kama mnavyo jua wizarani tuna kitengo kidogo sana na rasilimali hazitoshi kufika kila mahali hivyo hizi BMU zimetusaidia sana kulinda hizi rasilimali na hapa tumeonyeshwa nyavu ambazo wamezikamata  nasisi tunapo pata muda huwa tunaungana nao kufanya hizi doria ”

Amesema Dk Tamahtamah

Dk Tamatamah amesema katika kukabiliana na changamoto ya matumizi zana duni za uvuvi ambazo zinawakosesha kipato wavuvi  amesema ni vyema  wavuvi hao kujiunga katika vyama vya ushirika ili iwerahisi kukopesheka

“mlionngelea wavuvi kuwa ni wanahitaji vyombo serikali tunafanya kazi na vikundi vya ushirika ambavyo vimesajiliwa kwanini tunahimiza hilo sisi rasilimali za wizara zinazotengwa ni ndogo kufanya kila kitu lakini  tunafanya kazi na taasisi za kifedha kuna mabenki amabayo yanaweza kuwakopesha wavuvi ila jambo la msingi mnalopaswa kufanya ni kujiunga katika vyama vya ushirika ili iwe rahisi kukopesheka “

Amesema Dk Tamahtamah

Katika hatua nyingine katibu mkuu wizara ya mifugo na uvuvi ameipongeza halmashuri  ya wilaya Pangani kwa kuzitumia vizuri kamati za bmu katika ukusanyaji wa mapato yatokanayo ya uvuvi

“nimefurahishwa kusikia baaada ya halmashuri kuwapa kazi ya kukusanya mapato mapato yameongezeka sana ..haya ni mafanikio makubwa na hivi ndivyo tunasisitiza kwa halmashuri nyingine nchini amabazo zinashughuli za uvuvi ziwape hizi kazi BMU ..na kwa mara nyingine ni shukuru wilaya ya pangani  na ndio inayoongoza Tanzania kwa kuzipa hizi kazi bmu  na matokeo yanaonekana “

Amesema Dk Tamahtamah